آزاد کشمیر کے انتخابات سے پہلے مختلف اضلاع سے سابق اراکین اسمبلی استحکام پاکستان پارٹی میں شامل ہوگئے۔ صدر آئی پی پی عبدالعلیم خان نے پارٹی میں خیر مقدم کرتے ہوئے مبارکباد دی۔ پارٹی پرچم بھی پہنائے۔ سابق وزیر اعظم آزاجموں و کشمیر سردار تنویر الیاس نے کہا عبدالعلیم خان کی قیادت میں آزاد کشمیر کو حقیقی ترقی سے متعارف کروائیں گے۔
آزاد کشمیر کی مختلف جماعتوں سے مزید رہنماؤں نے استحکام پاکستان پارٹی میں شمولیت کا اعلان کردیا۔ صدر استحکام پاکستان پارٹی عبدالعلیم خان سے آزاد کشمیر کی اہم سیاسی شخصیات کی ملاقاتیں کیں۔
عبدالعلیم خان نے استحکام پاکستان پارٹی میں شمولیت اختیار کرنے والوں کا خیر مقدم کیا۔ مبارکباد دی اور پارٹی پرچم بھی پہنائے۔ ملاقات میں میاں خالد محمود، عون چوہدری، گل اصغر بگھور، رانا نذیر احمد خان اور شعیب صدیقی موجود تھے۔
سابق وزیر اعظم سردار تنویر الیاس، سابق وزیر نثار عنصر ابدالی، سردار امتیاز شاہین اور سردار افتخار رشید کے ہمراہ میر پور، راولا کوٹ، پونچھ، کوٹلی اورباغ کے اضلاع سے سابق وزرا اور اراکین اسمبلی آئی پی پی میں شامل ہوئے۔
سردار تنویر الیاس نے عبدالعلیم خان سے تمام شخصیات کا فرداً فرداً تعارف کروایا۔ کہا عبدالعلیم خان کی قیادت میں آزاد کشمیر کو حقیقی ترقی سے متعارف کروائیں گے۔
ایل اے پانچ پونچھ سے عدنان سیاب خالد، ایل اے چار میرپور سے چوہدری تیمور فاروق اور ایل اے پندرہ باغ سے سردار آصف محمود آئی پی پی میں شامل ہوئے۔ رئیس انقلابی، منظور ایڈووکیٹ، راجہ قمر الزمان، صدام نسیم، سردار فاران اور عاصم حمید نے آئی پی پی میں شمولیت اختیار کی۔
سابق چیئرمین ضلع کونسل باغ، پیپلز پارٹی کے سینتالیس سالہ رہنما اور معروف ایڈووکیٹ بھی استحکام پاکستان پارٹی میں شامل ہوئے، بلال رشید ایڈووکیٹ، چوہدری علی اصغر، جاوید اقبال ایڈووکیٹ اور سردار طیب بھی عبدالعلیم خان سے ملاقات کرنے والوں میں موجود شامل تھے۔
ضلع کوٹلی ایل اے چار سے امیدوار چوہدری تیمور فاروق نے عبدالعلیم خان سے ملاقات کی اور آئی پی پی میں شامل ہوئے،پی ٹی آئی آزاد کشمیر کے چوہدری محمود، چوہدری قیصر، ظہیر علی نے بھی ائی پی پی میں شمولیت کا فیصلہ کرلیا۔
