پنجاب بھر میں لاہور ہائیکورٹ کے احکامات کے بعد لائسنس اور دیگر ٹریفک قوانین پر سختی سے عملدرآمد کروایا جارہاہے اور ٹریفک پولیس کے دفاتر میں شہریوں کی ہزاروں میں تعداد لائسنس بنوانے کیلئے اُمڈ آئی ہے جس کے باعث دفاتر کے اوقات کار 24 گھنٹے کر دیئے گئے ہیں جبکہ عملے میں بھی اضافہ کر دیا گیا ہے ۔
یہاں پر پریشان کن خبر یہ ہے کہ ٹریفک پولیس کی جانب سے شہریوں کو صرف یکم جنوری تک کا وقت دیا گیا ہے جس دوران وہ 60 روپے میں لرننگ لائسنس بنوا سکتے ہیں جبکہ اس کے بعد یہ فیس بڑھا کر ایک ہزار روپے کر دی جائے گی ۔
وزیراعلیٰ پنجاب محسن نقوی کی زیرصدارت صوبائی کابینہ کااجلاس ہوا، اجلاس میں ڈرائیونگ لائسنس کی فیس میں اضافے کی منظوری دی گئی جس کا اطلاق یکم جنوری سےہوگا۔اجلاس میں فیصلہ میں کیا گیاکہ یکم جنوری سے قبل ڈرائیونگ لائسنس موجودہ شرح فیس سے بنائے جائیں گے،یکم جنوری سے لرنر کی فیس 60روپے سے بڑھا کر 1 ہزار روپے کی دی جائے گی،ایل ٹی وی، ایچ ٹی وی، پی ایس وی لائسنس فیس کی شرح میں بھی اضافہ ہوگا۔
