شاداب خان نے قومی ٹیم کے فاسٹ باولر حارث روف کے بارے میں کنجوس ہونے کے لیبل کو ہٹاتے ہوئے دلچسپ انکشاف کر دیا ہے ۔
شاداب خان نے سماء نیوز کو دیئے گئے خصوصی انٹرویو میں بتایا کہ حارث روف نے میری شادی پر لفافہ دیا تو دیکھا کافی بھاری تھا میں نے وہ لفافہ کھول کر چیک کرنا چاہا کیونکہ بھاری ہونے کی وجہ سے لگا کہ پتھر ڈال کر لے آیا ہے لیکن کھول کر دیکھا تو حیرانگی ہوئی کہ انہوں نے اتنے زیادہ پیسے کیسے دے دئیے، وہ کنجوس نہیں ہے بس پیسوں کے معاملے میں بہت مذاق کرتا ہے لیکن دل کا بہت اچھا ہے۔
پی ایس ایل سے متعلق بات کرتے ہوئے ان کا کہنا تھا کہ حسن علی نے اسلام آباد یونائیٹڈ کے لئے بہت پرفارمنس دی ہے، اس مرتبہ پھنس گئے تھے کہ ڈائمنڈ کیٹگری میں دو سے زائد کھلاڑی نہیں رکھ سکتے تھے جسکی وجہ سے کافی نقصان ہوا، پی ایس ایل کی سب ٹیمیں اپنی ہوتی ہیں، عماد وسیم کی جب آپشن ملی تو ہم چاہتے تھے وہ ہمارے پاس آئیں ، اعظم خان کہیں نہیں جارہا جو وہ کھاتا ہے وہ اسلام آباد یونائیٹڈ ہی پورا کرسکتا ہے۔
انہوں نے کہا کہ حارث روف کا آسٹریلیا نہ جانے کا اپنا فیصلہ ہے لیکن وہ نہیں چاہے گا کہ اسکا کوئی نقصان ہو، مجھے جب نائب کپتانی ملی تھی تب بھی فون نہیں آیا ابھی بھی کسی کا فون نہیں آیا، بس یہی سوچ رہا ہوں کہ میں اپنی فارم بحال کروں، میرے ایکشن کی الائنمنٹ اچھی نہیں رہی جسکی وجہ سے فارم اچھی نہیں رہی ، اپنے ایکشن میں بہتری لارہا ہوں اور الائنمنٹ بہتر کروں گا۔
