معروف بھارتی کرائم شو ’سی آئی ڈی‘ میں فریڈرکس کا کردار ادا کرنے والے اداکار دنیش فڈنیس چل بسے۔
بھارتی میڈیا کے مطابق دل کا دورہ پڑنے کے باعث گزشتہ 2 دن سے مقامی اسپتال میں زیر علاج رہنے والے اداکار 57 برس کی عمر میں وفات پاگئے۔
میڈیا رپورٹس کے مطابق ’سی آئی ڈی‘ میں ’دیا‘ کا کردار نبھانے والے ساتھی اداکار دیانند شیٹی نے دنیش فڈنیس کی موت کی تصدیق کر دی ہے۔
یاد رہے کہ دو روز قبل دنیش فڈنیس کو اچانک دل کا دورہ پڑا تھا جس کے باعث انہیں ممبئی کے ایک اسپتال میں داخل کیا گیا تھا۔
