پاکستان شوبز انڈسٹری کی معروف اداکارہ اشنا شاہ نے اپنے شوہر حمزہ امین کے ہمراہ عمرے کی سعادت حاصل کر لی۔
فوٹو اینڈ ویڈیو شیئرنگ پلیٹ فارم انسٹاگرام پر اداکارہ اشنا شاہ نے اپنے شوہر کے ساتھ مسجد الحرام سے اپنی تصاویر شیئر کیں اور عمرے کی سعادت حاصل کرنے کی خبر مداحوں کے ساتھ شیئر کی۔
اشنا شاہ نے اپنی تصاویر کے کیپشن میں فلسطینیوں کے ساتھ یکجہتی کا اظہار کیا اور ان کی آزادی کے لئے دعا کی۔
View this post on Instagram
انہوں نے لکھا کہ ہمارے فلسطینی بھائیوں اور بہنوں کو اپنے دل اور دعاؤں میں ہمیشہ یاد رکھنا جو اپنے گھروں سے جلاوطن ہونے اور 75 سال سے زیادہ عرصے تک نسل پرستی کو برداشت کرنے کے بعد اب ایک وحشیانہ نسل کشی سے گزر رہے ہیں۔
اداکارہ نے لکھا کہ میری دعا ہے فلسطینیوں کو جلد آزادی نصیب ہو، آمین۔
اشنا کا مزید کہنا تھا کہ ان کے شوہر کا یہ پہلا عمرہ ہے اس لئے انہیں بہت بہت مبارک ہو۔
