سی سی ڈی کے سربراہ سہیل ظفر چھٹہ نے اعتراف کیا ہے کہ چکوال واقعے پر سی سی ڈی اہلکار سے غلطی ہوئی۔ اس نے طاقت کا غلط استعمال کیا۔
لاہور میں پریس کانفرنس کے دوران سہیل ظفر چھٹہ نے کہا کہ کراس فائرنگ کےنتیجے میں اہلکارکو غلط فہمی ہوئی، اصول ہے کہ مقابلے کے وقت ملزمان کے اہلخانہ بھی سامنے ہوں تو انکی حفاظت کی جاتی ہے۔
آئی جی پنجاب راو عبدالکریم نے کہا کہ کسی اہلکار کے غیر قانونی اقدام اور اختیارات سے تجاوز کو تحفظ نہیں دیںگے۔ فوجداری قوانین کے تحت میرٹ پر کارروائی کی جارہی ہے۔
واضح رہے 9 سالہ ہانیہ احمد اور ان کے خاندان پر 10 جون کو پنجاب کے ضلع چکوال میں فائرنگ کی گئی تھی جس میں ہانیہ جاں بحق ہوگئی۔
سی سی ڈی نے چکوال میں آسٹریلوی نژاد فیملی پر فائرنگ کے واقعہ کو ایس اوپیز کی خلاف ورزی قرار دیدیا ہے،حکام نے فائرنگ کرنے والے اہلکار کی غلطی تسلیم کرتے ہوئے معافی بھی مانگ لی ہے۔
