صومالیہ میں یرغمال پاکستانیوں کی نئی ویڈیو سامنےآ گئی ہے جس میں یرغمال پاکستانیوں کی رہائی کیلئے وزیراعظم اور فیلڈ مارشل سے مداخلت کرنے کی اپیل کی گئی ہے ۔
یرغمالی کا کہناتھاکہ 57دن گزر گئے،کمپنی قزاقوں سے بات کرنے کو تیار نہیں، صومالی قزاق عثمان نامی شخص سے بات کرنے کیلئے تیارنہیں،حکومت پاکستان سے اپیل ہے کہ شپنگ کمپنی سے بات کریں اور رہائی دلوائیں ، وزیراعظم اور فیلڈ مارشل مذاکرات کیلئے کمپنی پر دباؤ ڈالیں، کوئی صومالی قزاقوں سے رابطہ کرنے کو تیار نہیں ہے،بہت سے لوگ بیمارہیں،یہاں حالات بد سے بدتر ہوتے جا رہے ہیں، کھانے کو کچھ نہیں،پینے کیلئے گندا پانی دیا جا رہا ہے، یہاں لگ رہا ہے جینا مشکل ہے اور موت آسان ہو گئی۔
