قومی پیغامِ امن کمیٹی، حکومتِ پنجاب کے زیرِ اہتمام سیمینار میں تمام مکاتبِ فکر کا مشترکہ اعلامیہ جاری کردیا گیا۔
قومی پیغامِ امن کمیٹی وزیراعظم پاکستان میاں محمد شہباز شریف کی ہدایات پر تمام مکاتبِ فکر کے اکابرین کے ساتھ مسلسل رابطے میں ہے،تمام مکاتبِ فکر کے علماء و مشائخ نے پیغامِ پاکستان ضابطۂ اخلاق پر مکمل عملدرآمد اور اس کی بھرپور حمایت کا اعادہ کیا۔
سوشل میڈیا، الیکٹرانک میڈیا، محراب و منبر، مجالس، کانفرنسوں، جلوسوں اور اجتماعات میں قومی یکجہتی اور مذہبی ہم آہنگی کے فروغ پر زور دیا۔
پیغامِ پاکستان ضابطۂ اخلاق کی خلاف ورزی کرنے والے کسی بھی خطیب، ذاکر یا واعظ کے خلاف قانون کے مطابق کارروائی کی جائے گی
محرم الحرام کے دوران امن، رواداری اور بھائی چارے کے فروغ کو قومی و دینی ذمہ داری قرار دیا گیا،عوام سےاپیل کہ انتشار،فساد یا تشدد کو ہوا دینے والی کسی بھی سرگرمی کی فوری اطلاع پولیس اور سلامتی کے اداروں کو دیں۔
تمام محبِ وطن پاکستانیوں سے محرم الحرام اور اس کے بعد بھی امن دشمن عناصر اور انتشار پھیلانے والی سازشوں کو ناکام بنانے میں اپنا کردار ادا کرنے کی اپیل کی گئی۔
مشترکہ اعلامیہ میں قومی اتحاد، فرقہ وارانہ ہم آہنگی اور پاکستان کے امن و استحکام کیلئے مشترکہ کاوشوں کے عزم کا اظہار کیا گیا۔
