پاکستان شوبز انڈسٹری کے معروف اداکار عمران اشرف کی سابقہ اہلیہ اداکارہ و ماڈل کرن اشفاق نے پاکستان پیپلز پارٹی (پی پی پی) کے فوکل پرسن حمزہ علی چوہدری کے ساتھ دوسری شادی کرلی۔
یاد رہے کہ اتوار کے روز اداکارہ و ماڈل کرن اشفاق کی دوسری شادی سے متعلق دعویٰ سامنے آیا تھا۔
تاہم، فوٹو اینڈ ویڈیو شیئرنگ پلیٹ فارم انسٹاگرام پر اداکارہ نے اپنی تصاویر شیئر کرتے ہوئے دوسری شادی کی خود ہی تصدیق کر دی ہے۔
کرن اشفاق کی جانب سے اپنے انسٹاگرام اکاؤنٹ پر اپنے نکاح کی متعدد تصاویر جاری کی گئی ہیں۔
View this post on Instagram
ان کے نکاح کی تقریب لاہور میں حمزہ علی چوہدری کی رہائشگاہ پر منعقد ہوئی جس میں قریبی رشتے دار سمیت دوست احباب شریک ہوئے۔
View this post on Instagram
خیال رہے کہ عمران اشرف اور کرن اشفاق حسین ڈار کی کچھ عرصہ قبل طلاق ہو گئی تھی اور دونوں کا ایک بیٹا روحام عمران بھی ہے۔
