عرب میڈیا کے مطابق امریکا اور ایران کے درمیان معاہدہ آخری مراحل میں داخل ہوگیا ہے۔
رپورٹ کے مطابق صرف ایران کے منجمد فنڈز کا معاملہ حل ہونا باقی ہے۔ ایران کو منجمد فنڈز جاری کرنے کے طریقۂ کار پر بات چیت جاری ہے۔
رپورٹ میں کہا گیا ہے کہ صدرٹرمپ معاہدے پر دستخط سے پہلے ایران کو فنڈز جاری کرنے کے حق میں نہیں۔انہوں نے اس حوالے سے ثالثوں کو اپنے تحفظات سے آگاہ کردیا۔
عرب میڈیا کے مطابق ایران کے منجمد اثاثوں کیلئے خصوصی فنڈ قائم کرنے کی تجویز زیرِ غور ہے۔ اس سے پہلے سی این این نے بھی رپورٹ میں کہا تھا صدر ٹرمپ کسی ایسے معاہدے پر دستخط نہیں کرینگے جس کے تحت امریکا براہِ راست ایران کو فنڈ فراہم کرے۔
