پاکستان کی خوبرو اداکارہ ہانیہ عامر اور بالی ووڈ کے معروف ریپر بادشاہ کی ڈیٹنگ کی خبریں بھارتی میڈیا پر گردش کرنے لگیں۔
ماضی میں پاکستانی گلوکار عاصم اظہر کی دوست رہنے والی معروف اداکارہ ہانیہ عامر اور بھارتی گلوکار بادشاہ کی دوستی کے آج کل خوب چرچے ہیں، دونوں کی تصاویر اور ویڈیوز سوشل میڈیا پر وائرل ہورہی ہیں، جس کے بعد بھارتی میڈیا پر دونوں کی ڈیٹ کی خبریں گردش کرنے لگی ہیں۔
View this post on Instagram
رپورٹ کے مطابق گزشتہ کچھ دنوں سے ہانیہ عامر کی بادشاہ کے ہمراہ تصاویر اور ویڈیوز سامنے آرہی ہیں، دونوں فنکاروں کی دبئی میں شاپنگ کرتے اور ریستوران میں مشروب انجوائے کرتے ہوئے ویڈیوز اور تصاویر بھی منظر عام پر آئیں
View this post on Instagram
ہانیہ عامر نے اپنے آفیشل انسٹاگرام اکاؤنٹ پر بادشاہ کے ساتھ اپنی تصاویر اور ویڈیوز پوسٹ کی ہیں، جن میں وہ کسی ریستوران میں کھانا کھاتے نظر آرہے ہیں جبکہ بھارتی گلوکار اُن کی ویڈیو بنارہے ہیں۔
ایک ویڈیو میں ہانیہ عامر بادشاہ کے ساتھ گاڑی میں گلوکاری کرکے خوب ہنسی مذاق کررہی ہیں جبکہ ایک گروپ فوٹو میں ہانیہ اور بادشاہ کے بھارتی پنجابی گلوکار کرن اوجلا کو بھی دیکھا جاسکتا ہے۔
View this post on Instagram
ہانیہ عامر اور بادشاہ کی تصاویر اور ویڈیوز کے سوشل میڈیا پر وائرل ہوتے ہی بھارتی میڈیا نے یہ قیاس آرائیاں شروع کردیں کہ پاکستانی اداکارہ اور بھارتی گلوکار ایک دوسرے کو ڈیٹ کررہے ہیں۔
واضح رہے کہ ان دنوں ہانیہ عامر دبئی میں موجود ہیں جہاں وہ اپنی چھٹیاں گزار رہی ہیں۔
