نیشنل ڈیزاسٹر مینجمنٹ اتھارٹی نے ملک میں ہیٹ ویو، گلیشیائی جھیلوں کے پھٹنے اور لینڈ سلائیڈنگ کا الرٹ جاری کردیا۔
این ڈی ایم اے کے مطابق مئی کے باقی ایام کے دوران مختلف علاقوں میں درجہ حرارت 40 سے 48 ڈگری سینٹی گریڈ تک پہنچنے کا خدشہ ہے۔
گرمی میں متوقع اضافے سے ممکنہ خطرات سے نمٹننے کیلئے صوبائی ڈیزاسٹر مینجمنٹ اتھارٹیز نے پیشگی اقدامات شروع کردیئے۔ جن میں ایمرجنسی رسپانس ٹیموں کی تعیناتی، کولنگ سینٹرز کی تشکیل اور طبی اقدامات شامل ہیں۔
الرٹ کے مطابق مغربی ہواؤں کے زیر اثر خطہ پوٹھوہار سمیت شمالی علاقوں میں ہلکی بارش ہوسکتی ہے ۔ سندھ، بلوچستان سمیت جنوبی پنجاب میں شدید گرمی کی لہر متوقع ہے۔
گلگت بلتستان، بالائی خیبرپختونخوا اور آزاد کشمیر میں شدید گرمی کے باعث تیزی سے پگھلتے گلیشئرز لینڈ سلائیڈنگ اور سیلاب کے خطرے میں اضافہ کر رہے ہیں۔
