ایرانی سپریم لیڈر کے مشیر محسن رضائی کا کہنا ہے کہ آبنائے ہرمز کا انتظام سنبھالنا ایران کا قانونی حق ہے۔ سیکیورٹی کو یقینی بنانے کیلئے وہاں گشت کرتے رہیں گے۔
ایک بیان میں محسن رضائی نے کہا کہ آبنائے ہرمز کے ایرانی انتظام سے خلیج میں 50 برس کے عدم تحفظ کا خاتمہ ہوگیا۔ ایرانی پاسداران انقلاب کے کمانڈر بریگیڈئیر جنرل احمد وحیدی نے خبردار کیا کہ کسی بھی نئی جارحیت کا جواب تباہ کن اور خوفناک ہوگا۔
خاتم الانبیا ہیڈکوارٹرز کے سربراہ میجر جنرل علی عبداللہی نے کہا کہ خلیج فارس اور آبنائے ہرمز کےانتظام میں غیرملکیوں کی کوئی جگہ نہیں۔ سینئر ایرانی عہدیدار کے مطابق تہران نے افزودہ یورینیم کا ذخیرہ امریکا کے حوالے کرنے پراتفاق نہیں کیا۔
