امریکہ اور ایران کے درمیان جنگ کے مستقل خاتمے کیلئے اہم پیشرفت سامنے آئی ہے، پاکستان کے فیلڈ مارشل سید عاصم منیر ایران روانہ ہو گئے ہیں ۔
تفصیلات کے مطابق فیلڈمارشل عاصم منیر خطے میں قیام امن اور دیگر امور پر بات چیت کر ینگے،دورے کے دوران فیلڈ مارشل سید عاصم منیر اہم اعلی ایرانی شخصیات سے ملاقات کرینگے۔
یاد رہے کہ وزیر داخلہ محسن نقوی پہلے ہی ایران کے دورے پر ہیں اور اس دوران انہوں نے وزیر خارجہ عباس عراقچی سے 2 مرتبہ ملاقاتیں کیں ۔
امریکا کے سیکریٹری خارجہ مارکو روبیو نے گزشتہ روز صحافیوں سے گفتگو کے دوران بتایا تھا کہ ایران سے مذاکرات کسی نتیجے پر پہنچنے کی امید پیدا ہوگئی ہے اور اس حوالے سے پاکستان کا ثالثی وفد ایران کا دورہ کرے گا۔
مارکو روبیو نے بتایا تھا کہ جنگ بندی مسودے پر بات چیت کے لیے پاکستان کا وفد ایران جا رہا ہے اور حالیہ مذاکرات سے اچھے اشارے مل رہے ہیں اور محدود پیش رفت بھی ہوئی ہے جبکہ چند روز میں صورت حال واضح ہوجائے گی۔
