برطانیہ کے معروف ریڈیو اسٹیشن ’ریڈیو کیرولائن‘ نے کمپیوٹر خرابی کے باعث غلطی سے شاہ چارلس سوم کی وفات کا اعلان نشر کرنے پر معذرت کر لی۔
ریڈیو انتظامیہ کے مطابق تکنیکی خرابی کےنتیجےمیں بادشاہ کی وفات سےمتعلق ہنگامی نشریاتی طریقہ کار خودکار طور پر فعال ہوگیا، جس کے باعث غلط اعلان نشر ہوا۔
انتظامیہ کا کہنا ہےکہ اس خرابی کے بعد ریڈیو اسٹیشن کچھ وقت کیلئے خاموش بھی رہا۔
ریڈیوکیرولائن نےسوشل میڈیا پرجاری بیان میں بتایا کہ منگل کی دوپہرمشرقی ایسکس کے شہر مالڈن میں قائم مرکزی اسٹوڈیومیں کمپیوٹرسسٹم میں خرابی پیدا ہوئی،جس کے نتیجے میں یہ غلط نشریات نشر ہوئیں۔
یہ واقعہ ایسے وقت پیش آیا جب شاہ چارلس اور ملکہ کیملا شمالی آئرلینڈ کے دورے پر تھے،جہاں انہوں نے ایک آئرش فوک میوزک گروپ کی پرفارمنس میں شرکت بھی کی۔
