ایرانی پارلیمان کے اسپیکر باقر قالیباف نے دوبارہ امریکی حملے کا خدشہ ظاہر کردیا۔
بیان میں کہا کہ دشمن کی نقل وحرکت ظاہر کرتی ہے کہ وہ جنگ کا نیا دور کرنا چاہتا ہے۔ ایرانی افواج نے جنگ بندی سے بھرپور فائدہ اٹھایا اور خود کو مضبوط کیا۔ بڑھتا ہوا معاشی دباؤ اور ناکہ بندی ایران کو ہتھیار ڈالنے پر مجبور نہیں کرسکتی۔
دوسری جانب ایرانی وزارت خارجہ نے آبنائے ہرمز میں پائیدار سیکیورٹی کیلئے عمان اور بین الاقوامی اداروں کیساتھ نظام بنانے کی تجویز دیدی۔
ترجمان کے مطابق امریکا پر شکوک برقرار ہیں، ایران نیک نیتی سےمذاکرات جاری رکھے ہوئے ہے، امریکی مؤقف کاجائزہ لے رہے ہیں۔
