پاکستان ٹیسٹ ٹیم کے کپتان شان مسعود نے کپتانی سے مستعفی نہ ہونے کا فیصلہ کرلیا۔
ذرائع کے مطابق شان مسعود کا ٹیسٹ ٹیم کی کپتانی چھوڑنے کا کوئی ارادہ نہیں، شان مسعود انگلینڈ کے دورے تک کپتانی کرنا چاہتے ہیں۔ شان مسعود نے چئیرمین پی سی بی سے گزشتہ سال بھی انگلینڈ دورے تک کا وقت مانگا تھا۔
شان مسعود ٹیم کی کارکردگی سے ناخوش ،سینئیر بیٹرز کی کارکردگی سے مایوس ہیں، شان مسعود خود کپتانی سے مستعفی ہونے کا ارادہ نہیں رکھتے،پی سی بی فیصلہ کرے گا، پی سی بی حکام ٹیم کے واپس آنے پر سرفراز احمد اور شان مسعود سے اہم میٹنگ بھی کرے گا۔
پی سی بی میں سرفراز احمد اور شان مسعود ٹیسٹ ٹیم کی مایوس کن کارکردگی کی رپورٹ جمع کروائیں گے، پی سی بی ابھی شان مسعود کو کپتانی سے ہٹانے کا ارادہ نہیں رکھتا۔
