بھارتی اداکارہ پائل گھوش کرکٹرز عرفان پٹھان کو ڈیٹ کرنے اور گوتم گھمبیر کی مسڈ کالز اور بالی ووڈ سپر سٹار اکشے کمار کے پیچھے پڑنے سے متعلق بیانات پر ڈٹ گئیں۔
سماجی رابطوں کی ویب سائٹ ایکس( ٹویٹر ) پر ایک بیان میں انہوں نے کہا کہ میں جھوٹ نہیں بولتی، میں ایسی لڑکی نہیں ہوں، جو بلا ضرورت کسی کا نام استعمال کرے، اگر میں نے کچھ کہا ہے تو یہ سچ ہے، لیکن یہ بھی سچ ہے کہ چند چیزوں سے پرہیز کرنا چاہیے۔
اس سے قبل انہوں نے ایکس پر دعویٰ کرتے ہوئے لکھا تھا کہ وہ سابق بھارتی کرکٹر عرفان پٹھان کو 5 سال تک ڈیٹ کرتی رہی ہیں اور ان دونوں کے درمیان سال 2011 میں قریبی تعلقات تھے ، یہ بات کئی بھارتی کرکٹرز کے علم میں تھی۔
اداکارہ نے سابق بھارتی کرکٹر گوتم گھمبیر پر الزام عائد کرتے ہوئے کہا کہ ان دنوں گوتم گھمبیر روزانہ انہیں مِس کال کیا کرتے تھے، وہ ان کے پیچھے پڑے ہوئے تھے جبکہ عرفان پٹھان کو بھی اس بات کا علم تھا۔
بھارتی اداکارہ عرفان پٹھان کے ساتھ اپنی پرانی تصویر بھی پوسٹ کرتے ہوئے یہ بھی دعویٰ کیا کہ عرفان پٹھان کے ساتھ تعلقات کے وقت بالی ووڈ کےسپر اسٹار اکشے کمار بھی ان کے پیچھے پڑے ہوئے تھے۔
پائل گھوش نے کہا کہ عرفان کے ساتھ تعلقات ختم ہونے کے بعد انہوں نے کبھی کسی سے محبت نہیں کی ، بلکہ ان سے بریک اپ کے بعد بیمار بھی رہیں۔
خیال رہے کہ بعد ازاں اداکارہ پائل گوش نے بھارتی کرکٹرز اور بالی ووڈ سٹارپر لگائے گئے الزامات کی پوسٹس ڈیلیٹ کر دیں ۔
