وزیراعظم شہبازشریف کا کہنا ہے کہ معرکہ حق میں عوام سیسہ پلائی دیوار کی طرح افواج کے ساتھ کھڑے ہوئے، ہرطرف ہمارے شاہینوں کا غلبہ تھا اور ہر جانب دشمن کے طیاروں کا ملبہ تھا، دشمن نے4گھنٹےمیں جنگ بندی کی درخواست کی۔
معرکہ حق میں شاندار فتح کے ایک سال مکمل ہونے پر وفاقی دارالحکومت اسلام آباد میں پاکستان مونومنٹ پر ایک پروقار تقریب سے خطاب میں وزیراعظم شہبازشریف کہا کہ اللہ نے معرکہ حق کو عظیم فتح میں تبدیل کیا، اللہ تعالیٰ نےمعرکہ حق کوعظیم فتح میں تبدیل کیا، شہدانےاپنےمقدس خون سےاس دھرتی کی آبیاری کی۔
وزیراعظم نے کہا کہ بھارت نے پہلگام کو جواز بناکر بےبنیادالزامات کی بوچھاڑ کی، ہمارادامن صاف تھاہم نے صبر اور تحمل کادامن نہ چھوڑا، کاکول اکیڈمی کےمیدان سےدشمن کوانجام سےخبردار کیاتھا، ہم نے پہلگام کے حوالے سے تحقیقات کی پیشکش کی تھی۔
شہبازشریف نے کہا کہ دشمن نے ہماری مساجد، بچوں کو نشانہ بناکربلااشتعال جنگ مسلط کی، بہادرافواج نے تاریکی میں کیے گئے حملے کا تاریخی جواب دیا، ہمارےشاہین دشمن پر جھپٹے تو دشمن کوجان کے لالے پڑگئے، ہرطرف ہمارےشاہینوں کاغلبہ تھا اور ہرجانب دشمن کے طیاروں کاملبہ تھا۔ دشمن نے 4گھنٹےمیں جنگ بندی کی درخواست کی۔ ٹرمپ نےایک لمحہ ضائع کئے بغیرجنگ بندی کروائی تھی۔
وزیراعظم نے کہا کہ میں اور پوری قوم فیلڈمارشل کوسلام پیش کرتےہیں، تاریخ فیلڈمارشل کی دانش مندانہ، دلیرانہ قیادت کو سنہری حروف میں یادرکھے گی، فیلڈمارشل نےمعرکہ حق میں شجاعت اوربہادری کے نئے باب رقم کئے۔
انہوں نے کہا کہ ایئرچیف مارشل اور ان کے شاہینوں کوبھی خراج تحسین پیش کرتاہوں، ایئرچیف مارشل اوران کےشاہینوں نے دشمن کے جہازوں کےپرخچےاڑائے، پاک بحریہ کےسربراہ، ہر افسر اور جوان کو مبارکبادپیش کرتاہوں، انہوں نے دشمن پروہ ہیبت طاری کہ دشمن سمندری حدودمیں آںے کی جرأت نہ کرسکا۔
وزیراعظم شہبازشریف نے 10 مئی کو یوم معرکہ حق سے منسوب کرنے کا اعلان کردیا، کہا ہرسال اس دن کوتعطیل کے بغیر جوش وجذبے سے منایا جائے گا۔
شہبازشریف کے مطابق چین نے معرکہ حق میں پاکستان کی بھرپورحمایت کرکے دوستی کاحق اداکیا، چینی قیادت اورعوام کے بھی مشکور ہیں، ترک صدر،سعودی ولی عہد کا بھی مشکور ہوں۔
وزیراعظم کا مزید کہنا تھا کہ خطے میں امن قائم کرنے کیلئے بھرپور کردارادا کررہے ہیں، فیلڈمارشل عاصم منیرنے مجھے بتایاکہ ایران کاجواب موصول ہوگیا ہے۔
خیال رہے کہ معرکہ حق میں شاندار فتح کے ایک سال مکمل ہونے پر وفاقی دارالحکومت اسلام آباد میں پاکستان مونومنٹ پر ایک پروقار تقریب کا انعقاد کیا گیا۔ تقریب میں صدر مملکت آصف علی زرداری، وزیراعظم شہباز شریف، فیلڈ مارشل عاصم منیر، اسپیکر قومی اسمبلی سردار ایاز صادق، چیئرمین سینیٹ سید یوسف رضا گیلانی، وفاقی وزیرمواصلات عبدالعلیم خان، وفاقی وزرا سمیت دیگر اہم شخصیات شریک تھے۔
تقریب میں غیرملکی سفارتکار بھی شریک ہیں، آغاز پر قومی ترانہ بجایا گیا، جس کے احترام میں شرکا کھڑے ہوگئے۔ تقریب میں تینوں مسلح افواج کے چاق و چوبند دستوں نے مارچ پاسٹ کیا اور سلامی دی۔
