پیٹرول اور ڈیزل پر عائد بھاری محصولات کی تفصیلات سامنے آگئیں۔
تفصیلات کے مطابق ڈیزل کی فی لیٹر قیمت میں 116 روپے 42 پیسے کے ٹیکسز شامل ہیں جبکہ پیٹرول کی فی لیٹرقیمت میں 152روپے58 پیسےمختلف ٹیکسز مد میں وصول کیےجارہے ہیں۔
ڈیزل کی ایکس ریفائنری قیمت کسٹم ڈیوٹی کے بغیر 283 روپے 12پیسے ہے، ڈیزل کی ایکس ریفائنری قیمت میں 51 روپے62 پیسے کسٹم ڈیوٹی عائد ہے۔ کسٹم ڈیوٹی عائد ہونے کے بعد ڈیزل کی ایکس ریفائنری قیمت 334 روپے 74 پیسے ہے۔
پیٹرول کی ایکس ریفائنری قیمت کسٹم ڈیوٹی کےبغیرمحض 247 روپے 55 پیسے ہے، پیٹرول کی ایکس ریفائنری قیمت میں 22 روپے 75 پیسے کسٹم ڈیوٹی عائد ہے۔ پیٹرول کی فی لیٹر قیمت میں 103 روپے 50 پیسے لیوی عائد ہے، پیٹرول کی فی لیٹر قیمت میں 2.50 روپے کلائمیٹ لیوی ،7.32 روپے فریٹ مارجن وصولی کی جارہی ہے۔
پیٹرول کی فی لیٹرقیمت میں ڈسٹریبیوشن مارجن کی مد میں 7.87 وصول کیے جارہے ہیں، پیٹرول کی فی لیٹرقیمت میں ڈیلر مارجن کی مد میں 8.64 روپے وصول کیے جا رہے ہیں۔
ڈیزل پرلیوی مد میں 28 روپے69 پیسے،کلائمیٹ سپورٹ مد میں 2.50 روپےکی وصولی کی جارہی ہے، ڈیزل پر فریٹ مارجن کی مد میں 17.14 روپے ، ڈیلر مارجن 8.64 اور ڈسٹری بیوشن مارجن 7.87 روپے وصول کیے جا رہے۔
