باب المندب میں بحری قزاقوں نے جہاز پر حملہ کردیا۔ صومالی بحری قزاقوں نےجہاز قبضے میں لیکر عملے کو یرغمال بنالیا۔
شپنگ ذرائع کے مطابق جہاز پر پاکستانی اور سری لنکن عملہ موجود تھا۔ میرین انفارمیشن سینٹر کو واقعہ رپورٹ کردیا گیا، جہاز میں پاکستانی عملے کے 11 ارکان تھے۔
باب المندب بحیرۂ احمر اور خلیج عدن کو ملاتا اور افریقی برِ اعظم کو جزیرہ نما عرب سے الگ کرتا ہے۔
اس علاقے میں اسرائیل حماس جنگ کے خلاف حوثیوں کے حملوں اور صومالیہ سے بھی بحری قزاقی میں اضافہ دیکھا گیا تھا۔





















