پاکستان نے ایل این جی کی اسپاٹ خریداری کا فیصلہ کر لیاہے اور اس سلسلے میں پاکستان ایل این جی لمیٹڈ نے 3 ایل این جی کاگوز کیلئے بولیاں طلب کر لیں ہیں، عالمی کمپنیاں 24اپریل تک اپنی بولیاں جمع کرا سکتی ہیں۔
تفصیلات کے مطابق بڈز 24 اپریل کو ہی کھولی جائیں گی،تین کارگوز کی بولیاں اپریل اور مئی کیلئے طلب کی گئی ہیں، پہلے کارگو کی سپلائی 27 سے 30 اپریل کیلئے ہو گی،دوسرے کارگو کی سپلائی یکم سے 7 مئی تک ہو گی، تیسرے کارگو کی فراہمی کی مدت 8 سے14مئی تک رکھی گئی ہے۔
ایل این جی خریداری کا فیصلہ بجلی کی لوڈ شیڈنگ سے چھٹکارے کے لیےکیا گیا، قطر سے ایل این جی سپلائی بندش سے 6 ہزارمیگاواٹ کے پاور پلانٹس بند پڑے ہیں ، پاور پلانٹ کی بندش سے ملک میں لوڈ شیڈنگ کا بحران بڑھ رہا ہے۔
