وفاقی وزیر خزانہ محمد اورنگزیب کی واشنگٹن میں یو این سیکرٹری جنرل، ایم ڈی آئی ایم ایف، صدر اے ڈی بی سمیت اہم حکام سے ملاقاتیں اور عالمی فورمز میں شرکت کی۔ پاکستان کی معیشت، اصلاحات، مشرق وسطیٰ میں کشیدگی کے عالمی اثرات ، ترقی پذیر ممالک میں خوراک و توانائی کے تحفظ سمیت اہم امور پر بات کی۔ انتونیو گوتریس نے خطے اور دنیا بھر میں امن و استحکام کےلئے پاکستان کےکردار کی تعریف کی ۔ ایم ڈی آئی ایم ایف کرسٹالینا جارجیوا نے پاکستان کی اصلاحات اور استحکام کا اعتراف بھی کیا۔
وفاقی وزیر خزانہ سینیٹر محمد اورنگزیب نے واشگٹن میں یواین سیکرٹری جنرل انتونیو گوتریس،ایم ڈی آئی ایم ایف کرسٹالینا جارجیوا،صدر ایشیائی ترقیاتی بینک ،عالمی ریٹنگ ایجنسی جے پی مورگن اور فچ ریٹنگز کے سینئر حکام سے اہم ملاقاتیں کیں ، باروررز پلیٹ فارم کی تقریب اجرا اور سٹی میکرو فورم میں شرکت بھی کی ۔
باروررز پلیٹ فارم کے اجرا کی تقریب میں شرکت اور اقوام متحدہ کے سیکریٹری جنرل سے ملاقات میں مشرق وسطیٰ کی موجودہ صورتحال کے عالمی معیشت پر اثرات اور چیلنجز پر بات کی۔ ترقی پذیر ممالک میں خوراک اور توانائی کے تحفظ پر اثرات کا جائز لیا۔
محمد اورنگزیب نے اس بات کو اجاگر کیا کہ باروررز پلیٹ فارم ایک دیرینہ خلا کو پُر کرتا ہے۔ وزیر خزانہ نے عالمی مالیاتی نظام میں اصلاحات کے لیے اقوام متحدہ کے سیکریٹری جنرل کی وکالت کو سراہا، پلیٹ فارم کے عبوری چیئرمین مصر کی قیادت کی تعریف کی۔
محمد اورنگزیب سے ملاقات میں ایم ڈی آئی ایم ایف نے پاکستان کی اصلاحات اور استحکام کا اعتراف کیا ۔ کہا پاکستان نے اصلاحاتی پروگرام پر مؤثر عملدرآمد کیا، مضبوط معاشی پالیسیوں کے ساتھ ساختی اصلاحات کا تسلسل برقرار رکھنے پر زور بھی دیا۔
صدر اے ڈی بی سے بیٹھک میں وزیر خزانہ نے کنٹری پارٹنرشپ اسٹریٹیجی پر حالیہ دستخط کو اہم سنگِ میل قرار دیا۔ مشرق وسطی میں جاری بحران سے نمٹنے کے لیے پاکستان کے پالیسی ردعمل کا خاکہ پیش کیا ۔۔ وزیراعظم کی جانب سے صدر کاندا کو پاکستان کے دورے کی دعوت بھی دی۔
عالمی ریٹنگ ایجنسیز کے حکام سے ملاقات میں وزیر خزانہ نے کہا پاکستان چار سال کے وقفے کے بعد بین الاقوامی کیپٹل مارکیٹس میں دوبارہ داخلے کی تیاری کر رہا ہے۔
وزیر خزانہ نے سعودی عرب کی جانب سے فراہم مالی معاونت اور کریڈٹ ریٹنگ ایجنسیز کا شکریہ بھی ادا کیا۔ سٹی میکرو فورم میں وزیر خزانہ نے سرمایہ کاروں کو پاکستان کی معیشت پر تفصیلی بریفنگ بھی دی۔
