فائیوجی اسپیکٹرم نیلامی کے باوجود موبائل انٹرنیٹ رفتار میں نمایاں بہتری نہ آسکی،وزیراعظم شہباز شریف نےانٹرنیٹ اسپیڈ بہترنہ ہونےکانوٹس لےلیتےہوئےپی ٹی اےسےموبائل انٹرنیٹ رفتارسےمتعلق تفصیلی رپورٹ طلب کرلی۔
رپورٹ طلبی کے بعدچیئرمین پی ٹی اے کی وزیراعظم شہبازشریف کو بریفنگ دی گئی،وزیراعظم کو بریفنگ میں بتایا گیا کہ ٹیلی کام آپریٹرز نیٹ ورک انفرا اسٹرکچربہتری کیلئے4 اور5 جی آلات درآمد کے مرحلےمیں ہیں،آلات ملنے کے بعد تنصیب کا عمل شروع ہوجائےگاجس میں چند ماہ لگنےکا امکان ہے۔
چیئرمین پی ٹی اےکاکہنا ہےکہ ٹیلی کام انفرا اسٹرکچرمیں بہتری سے انٹرنیٹ اسپیڈ میں واضح بہتری آئے گی،پہلےمرحلےمیں اسلام آباد اورچاروں صوبائی دارالحکومتوں میں فائیوجی سروس شروع ہوگی،فائیو جی کے ساتھ فورجی انٹرنیٹ کی رفتارمیں نمایاں بہتری آئے گی۔
وزیراعظم نے ہدایت دی کہ عوام کو تیز رفتار انٹرنیٹ فراہمی ہرصورت یقینی بنائی جائے، ڈیجیٹل نیشن پاکستان کےوژن کیلئےتیزترین انٹرنیٹ ناگزیرہے،پی ٹی اےکوٹیلی کام آپریٹرزکیلئےمقررہ اہداف پرعملدرآمد یقینی بنانےکی بھی ہدایت کی گئی۔
چیئرمین پی ٹی اے نے یقین دہانی کرائی کہ ریگولیٹری کرداراداکرتےہوئےموثرچیک اینڈ بیلنس یقینی بنائیں گے۔
