چیئرمین پیپلزپارٹی بلاول بھٹو زرداری کا کہنا ہے کہ پیپلزپارٹی صرف جماعت نہیں ایک تحریک ہے، بینظیرنےہمیشہ آمریت اورانتہا پسندی کےخلاف مزاحمت کی۔
پیپلزپارٹی کے 56 ویں یومِ تاسیس کے موقع پر اپنے پیغام میں بلاول بھٹو نے کہا کہ جمہوریت، پارلیمانی بالادستی ناقابلِ تسخیر بنانے کی جدوجہد ختم نہیں ہوئی، ہم کبھی نہیں بھولیں گےکہ پی پی کی بنیاد مسئلہ کشمیرپررکھی گئی۔
دوسری جانب پارٹی کی 56ویں یوم تاسیس کے موقع پر پارٹی کے صدر آصف علی زرداری ، چئیرمین بلاول بھٹو زرداری سمیت اعلی قیادت کوئٹہ پہنچ گئیں، پاکستان پیپلز پارٹی کا یوم تاسیس کے موقع پر آج کوئٹہ میں جلسہ ہوگا، لسے میں بلوچستان کی اہم سیاسی شخصیات شمولیت کا اعلان کریں گے۔
پاکستان پیپلز پارٹی کے مرکزی رہنماءفیصل کریم کنڈی کہتے ہیں یوم تاسیس کے بعد ہوائیں اسلام آباد کا رخ کریں گی تو سیاسی ہلچل پیدا ہوگی۔
