میٹرک کے امتحانی مراکزکی آن لائن ریئل ٹائم مانیٹرنگ شروع کر دی گئی،اس کم خرچ بالا نشیں نظام سے بورڈ کو 4 کروڑ روپے کی بچت بھی ہو گی۔
راولپنڈی تعلیمی بورڈ نےامتحانات میں طلبا کوصاف شفاف ماحول فراہم کرنےکیلئےمنفرد منصوبہ کرتے ہوئے نقل مافیا کے خاتمے کے لئے میٹرک کے امتحانی مراکزکی آن لائن مانیٹرنگ کا آغازکردیا،تعلیمی بورڈ میں جدیدکمانڈ اینڈکنٹرول سینٹرقائم کیاگیا،امتحانی مراکزکی سی سی ٹی وی کیمروں سے براہِ راست مانیٹرنگ کی جارہی ہے،کوئی بھی مشکوک سرگرمی فوری نشاندہی پر پکڑی جائےگی،نئے نظام سے بورڈ کوبچت بھی ہو گی۔
سیکرٹری تعلیمی بورڈ راولپنڈی امجد اقبال کاکہنا ہےکہ سینیٹر کے ذریعے100 امتحانی مراکز کی لائیو سٹریمنگ جاری ہے،مزید 150سینٹرز پرکیمرے نصب اورانکابیک اپ ہمارے پاس موجود ہے،اس کو مزید وسعت دیں گے،ہم فزیکل مانیٹرنگ کو کم کرنا چاہتے ہیں جس سے 40 ملین کی کاسٹ کم ہو جائے گی
سیکرٹری تعلیمی بورڈ راولپنڈی امجد اقبال نے کہا بچوں کو ایک شفاف اور منصفانہ نظام مہیا کرنا ہے تاکہ بچے فیئر پلے کےذریعے اپنی صلاحیت کا لوہا منوا سکیں،کمانڈ کنٹرول سینٹر کا مقصد یہ بھی ہے کہ بورڈ کی ایس او پیز پر عملدرآمد کرایا جائے اور خلاف ورزی کی نشاندہی کی جا سکے
کمانڈ اینڈ کنٹرول سسٹم کے ذریعے ناجائز ذرائع کے استعمال پر چکوال میں 2 امیدواروں کیخلاف کیس بنائے جا چکے،بورڈ حکام کا کہنا ہے اس اقدام سےتعلیمی نظام میں شفافیت کو یقینی بنانے میں مدد ملے گی،امتحانی مراکز میں کسی بھی خلاف ضابطہ حرکت پر فوری کارروائی عمل میں لائی جائے گی ۔
