امریکی صدر ڈونلڈ ٹرمپ نے سوشل میڈیا پر بیان جاری کرتے ہوئے کہا کہ ایران کی نئی رجیم نے امریکا سے جنگ بندی کی درخواست کی ہے،اس وقت تک ہم ایران کو مکمل طور پر تباہ کر رہے ہیں ۔
امریکی صدر کا کہناتھا کہ جب آبنائے ہرمز آزاد اورمحفوظ ہو جائے گی،تب ہم سیز فائر پر غور کریں گے،ایران کے نئے صدر پہلے والوں سے کہیں زیادہ ذہین ہیں،امریکا ایران کی جنگ بندی درخواست پر غور کرے گا،ہم ایران کو پتھر کے دور میں واپس بھیج رہے ہیں۔
ڈونلڈ ٹرمپ نے رائٹرز سے گفتگو میں کہا کہ ہم بہت جلد ایران سے نکل جائیں گے،جوہری مواد کی پرواہ نہیں، سیٹلائٹ کے ذریعے ایران کی نگرانی کریں گے،نیٹو کے ساتھ تعلقات پر غور کریں گے،ہم پہلے ہی ایران میں رجیم چینج کرچکے ہیں۔
