’’ کیو ایس ورلڈ یونیورسٹی رینکنگ ‘‘ نے 2026 کیلئے کمپیوٹر سائنس اور انفارمیشن سسٹمز کی رینکنگ جاری کر دی ہے، جس میں دنیا بھر کی بہترین جامعات کی فہرست پیش کی گئی ہے، جبکہ ’یونیورسٹی آف پنجاب‘ کو بھی اس شعبے میں 351 سے 400 کے درمیان درجہ بندی میں شامل کیا گیا ہے۔
رینکنگ کے مطابق میساچوسٹس انسٹی ٹیوٹ آف ٹیکنالوجی (ایم آئی ٹی) اس سال بھی کمپیوٹر سائنس کے شعبے میں دنیا کی نمبر ون یونیورسٹی قرار پائی ہے۔
فہرست میں امریکی جامعات کا غلبہ برقرار ہے، جہاں ’سٹینفورڈ یونیورسٹی ‘اور ’کارنیگی میلن یونیورسٹی ‘بھی ٹاپ 10 میں نمایاں پوزیشنز پر موجود ہیں۔
امریکا سے باہر کمپیوٹر سائنس کے شعبے میں بہترین کارکردگی دکھانے والی جامعات میں نیشنل یونیورسٹی آف سنگاپور اور آکسفورڈ یونیورسٹی مشترکہ طور پر چوتھے نمبر پر رہی ہیں۔
ماہرین کے مطابق یہ رینکنگ دنیا بھر کے طلبہ کیلئے اعلیٰ تعلیمی اداروں کے انتخاب میں اہم رہنمائی فراہم کرتی ہے۔
