امریکی ریاست سیاٹل میں آج خالصتان کا پہلا ریفرنڈم ہے۔ ریفرنڈم میں شرکت کیلئے ہزاروں سکھ ووٹرز سیاٹل پہنچ رہے ہیں۔
بھارتی مخالفت کے باوجود امریکی حکومت نے ریفرنڈم کی اجازت دے دی جس کی قیادت گورپت وانت سنگھ پنوں کر رہے ہیں۔ ووٹنگ مقامی وقت کے مطابق اتوار کی صبح 9 بجے شروع ہوگی۔ یہ ریفرنڈم سکھس فار جسٹس کی عالمی مہم کا حصہ ہے۔ ڈاؤن ٹاؤن سیاٹل میں اس وقت خالصتانی جھنڈے لہرارہے ہیں ۔
مقامی سکھ تنظیمیں ووٹرز کی سہولت کے لیے کھانے پینے کے اہتمام سمیت تمام ضروری سہولیات فراہم کرنے کی تیاریاں مکمل کر لی گئی ہیں۔
امریکہ سے پہلے کینیڈا، اوٹاوا میں خالصتان ریفرنڈم تئیس نومبر 2025 کو منعقد ہوا اور اس سے قبل لندن، ٹورنٹو، وینکوور، روم اور جنیوا سمیت پوری دنیا میں ریفرنڈمز منعقد ہوچکے۔ گزشتہ ریفرنڈمزمیں لاکھوں کی تعداد میں سکھوں نے خالصتان کے حق میں ووٹ ڈالے۔
