پاکستان زرعی تحقیقاتی کونسل کی تنظیم نو کی اصولی منظوری دیدی گئی۔ پی اے آر سی کو چین کی اکیڈمی آف ایگری کلچرل سائنسز کی طرز پر بنانے کی ہدایت کردی گئی۔
وزیراعظم کی زیرصدارت وزارت قومی غذائی تحفظ اور پی اے آر سی امور پر اجلاس میں پاکستان زرعی تحقیقاتی کونسل کی تنظیم نو کی اصولی منظوری دیدی گئی۔ شہبازشریف نے پی اے آر سی کو چین کی اکیڈمی آف ایگری کلچرل سائنسز کی طرز پر بنانے کی ہدایت کردی۔
شہبازشریف نے کہا کہ کہ زرعی تحقیقاتی کونسل کی تنظیم نو کا جامع پلان ٹائم لائن کے ساتھ تیار کیا جائے ۔ زرعی تحقیق کا ملکی زراعت اور غذائی تحفظ کے فروغ میں کلیدی کردار ہے ۔
اجلاس کو بتایا گیا کہ پی اے آرسی کے تحت کام کرنے والے تحقیقی مراکز یکجا کرکے پانچ سینٹر آف ایکسیلنس بنائے جائیں گے ۔ اور زرعی تحقیق کو انڈسٹری کے ساتھ جوڑا جائے گا ۔ اجلاس میں اسحاق ڈار،احد چیمہ، رانا تنویر حسین ، مصدق ملک ، رانا ثنا اللہ اور متعلقہ حکام شریک ہوئے۔
