قومی کرکٹ ٹیم کے اوپننگ بیٹسمین امام الحق دو روز قبل شادی کے بندھن میں بندھ گئے ہیں اور اس موقع پر قومی ٹیم کے کھلاڑیوں نے تقاریب میں شرکت کر کے میلے کو چار چاند لگا دیئے ۔
امام الحق کی اہلیہ شادی سے قبل خبروں کی زینت اس وقت بنی جب مشہور فیشن ڈیزائنر ایچ ایس وائے کی جانب سے ان کی عروسی جوڑے میں تصاویر سوشل میڈیا پر جاری کی گئیں۔
امام الحق کی اہلیہ انمول محمود پیشے سے ڈاکٹر ہیں اور ناورے کی رہائشی ہیں تاہم اب وہ پاکستانی ہو چکی ہیں ،انمول محمود کے منظر عام پر آتے ہی ان کے نام سے فیس بک اور ٹویٹر پر درجنوں اکاونٹ وجود میں آئے جس پر شادی کی تصاویر شیئر کی جاتی رہیں تاہم اب کھلاڑی نے خود میدان سنبھالتے ہوئے ان تمام اکاونٹ کو جعلی قرار دیتے ہوئے اہلیہ کا حقیقی انسٹاگرام اکاونٹ کا سکرین شاٹ شیئر کر دیا ہے ۔
Guys please note that my wife doesn’t have any Twitter/other social media IDs except this Instagram account. pic.twitter.com/cpqTfhTQgN
— Imam Ul Haq (@ImamUlHaq12) November 28, 2023
امام الحق نے ٹویٹر پر بیان جاری کرتے ہوئے اہلیہ کے انسٹاگرام اکاونٹ کا سکرین شاٹ شیئر کیا اور ساتھ کہا کہ ’’دوستو میری اہلیہ کا انسٹاگرام کے علاوہ کسی اور سوشل میڈیا پلیٹ فارم ٹویٹر یا فیس بک پر کوئی اکاونٹ نہیں ہے ۔‘‘
