لکی مروت میں نامعلوم موٹر سائیکل سواروں نے پولیس پارٹی پر فائرنگ کی ہے جس سے ایک شہری جاں بحق جبکہ ایک پولیس اہلکار زخمی ہوگیا۔
پولیس حکام کے مطابق پولیس پارٹی پر یہ حملہ سرائے نورنگ بازار میں کیا گیا جہاں پولیس پارٹی معمول کے پیدل گشت پر تھی۔ پولیس کی بھاری نفری حملہ آوروں کے تعاقب میں روانہ کردی گئی ہے،ملزمان موٹر سائیکل چھوڑ کر فرار ہوگئے ہیں۔
دوسری جانب لکی مروت میں منجیوالا لنک روڈ سے گولیاں لگی دو لاشیں ملی ہیں، پولیس نے لاشوں کو پوسٹمارٹم کےلیے سٹی اسپتال منتقل کر دیا۔






















