تاجکستان کے سفیر شریف زاہد یوسف نے وفاقی وزیر مواصلات عبدالعلیم خان کو ملاقات کے دوران تاجکستان کے دورہ کی دعوت دی ، وزیر مواصلات نے جلد تاجکستان کا دورہ کرنے کی یقین دہانی کرواتے ہوئے کہا ذرائع مواصلات میں بہتری لا کر بین الملکی تجارت میں اضافہ ہو سکتا ہے ۔
ملاقات میں تاجکستان اور پاکستان کے مابین نئے تجارتی روٹس کے امکانات پر بات ہوئی ۔ وزیر مواصلات عبدالعلیم خان نے کہا وسط ایشیائی ریاستوں سے تجارتی سرگرمیاں بڑھانے سے پاکستان کو معاشی فائدہ ہوگا،افغانستان نے بھارت کی پراکسی بن کر بدترین ہٹ دھرمی کا مظاہرہ کیا ۔ افغانستان سے پاکستان میں دہشتگردی ناقابل برداشت ہے، افغانستان کی جانب سے وسط ایشیائی ریاستوں کیلئے بھی غیر ذمہ دارانہ رویہ اپنا یا گیا،تاجک سفیر نے پاکستان سے گلگت کے راستے تاجکستان تک زمینی راہداری کی تجویز دی ۔۔۔ کہا موجودہ جغرافیائی حالات میں بدلتے تقاضوں کے مطابق حکمت عملی اپنانا ہوگی ۔۔۔ تاجکستان کے ڈیڑھ کروڑ عوام پچیس کروڑ پاکستانیوں سے تعاون کے خواہاں ہیں، پاکستان سے وسط ایشیائی ریاستوں کیلئے خصوصی رعایتی ٹیرف دینے کی بات بھی کر دی ۔
