انٹرنیشنل کرکٹ کونسل (آئی سی سی) ٹی ٹونٹی پلیئرز رینکنگ جاری کردی۔
آئی سی سی کی رینکنگ کےمطابق زمبابوے کے سکندر رضا ایک بارپھرنمبر ون آل راؤنڈر بن گئے،سکندر رضا نے پاکستان کے صائم ایوب سے پہلی پوزیشن چھین لی،جس کے بعد وہ ایک درجہ تنزلی کے بعد دوسرے نمبر پر چلے گئے۔
ٹی ٹونٹی بیٹرز رینکنگ میں بھارت کے ابھیشک شرما کی پہلی پوزیشن برقرار ہے،پاکستان کے صاحبزادہ فرحان دو درجہ بہتری کے بعد تیسری پوزیشن پر آگئے،بھارت کے ایشان کشن تین درجہ بہتری کے بعد پانچویں پوزیشن پر پہنچ گئے،ساؤتھ افریقہ کے ڈیوالڈ بریوس 10 درجہ بہتری کے بعد نویں نمبر پر چلے گئے،انگلینڈ کے ہیری بروک 10 درجہ بہتری کے بعد 18 ویں نمبر پر آگئے۔
ٹی ٹونٹی باؤلرزرینکنگ میں بھارت کے ورن چکرورتی کی پہلی پوزیشن برقرار ہے،ساؤتھ افریقہ کے کاربن بوش 21 درجہ بہتری کے بعد تیسری پوزیشن پر آگئے،پاکستان کے ابرار احمد دو درجہ تنزلی کے بعد پانچویں نمبر پر چلے گئے،ویسٹ انڈیز کے میتھیو فورڈ 23 درجہ بہتری کے بعد ساتویں نمبر پر پہنچ گئے۔
