لاہورکے علاقے شادمان میں شوہر کےہاتھوں بیوی کے قتل کی واردات پر پولیس نے مرکزی ملزم سمیت پانچ افراد کیخلاف مقدمہ درج کر لیا۔
مقدمہ تھانہ شادمان میں مقتولہ کےوالد کی مدعیت میں مقتولہ کے شوہر،ساس اور تین دیوروں کیخلاف درج کیا گیا۔
لڑکی کے والدکاکہنا ہےکہ 12سال قبل بیٹی کو شادی پر 150تولہ سونا دیا،شوہر اورسسرال کےلوگ بیٹی کو تنگ کرتےاور لڑائی جھگڑا کرتے،گھر بسانےکیلئے ڈیفنس میں کمرشل پلاٹ اور برانڈتھ روڈ پر دکان بھی بیٹی کے نام کرائی۔
ایف آئی آرکےمتن میں کہاگیاکہ ملزم بیوی کی گاڑی زبردستی بیچناچاہتا تھاجس پرجھگڑا ہوا،بیٹی کا شوہر، ساس اوردیورمزیدساڑھے تین کروڑ روپےمانگ رہےتھے،ایک کروڑ روپےاپنےملازم کے ذریعے ملزم اسماعیل کو بھجوایا۔
دوسری جانب چیئرپرسن پنجاب ویمن پروٹیکشن اتھارٹی حناپرویزبٹ نےواقعے کا نوٹس لیتے ہوئےڈی آئی جی آپریشنزلاہورسےتفصیلی رپورٹ طلب کرلی،حناپرویزبٹ نےکہاآلہ قتل برآمد،ملزم کے خلاف مزید قانونی کارروائی جاری ہے،خواتین کےقتل اورتشددکےواقعات کسی صورت قابل قبول نہیں،خواتین کےخلاف جرائم میں ملوث عناصر کو کیفرکردارتک پہنچایاجائےگا۔
