امریکی میڈیا کے مطابق ایران ممکنہ جنگ سے نمٹنے کیلئے تیاریوں میں مصروف ہے، سپریم لیڈر نے زیادہ تر اختیارات نیشنل سکیورٹی کونسل کے سربراہ علی لاریجانی کو سونپ دیے۔
نیویارک ٹائمز کے مطابق امریکا سے مذاکرات کی نگرانی بھی علی لاریجانی کر رہے ہیں، سپریم لیڈر کو لاریجانی پر مکمل اعتماد ہے۔ علی خامنہ ای نے 4 سطحوں پر مشتمل اپنے جانشین بھی مقرر کردیے ہیں۔
رپورٹ کے مطابق جنگ کی صورت میں اسپیکر محمد باقر قالیباف کو مسلح افواج کی کمان سونپی جاسکتی ہے، اعلیٰ قیادت ماری گئی تو عبوری انتظام میں لاریجانی سرفہرست ہیں، باقر قالیباف اور سابق صدر حسن روحانی کا نام بھی عبوری انتظام کیلئے زیر غور ہے۔
رپورٹ کے مطابق خلیج فارس کے ساحلوں پر میزائل نصب کردیے گئے ہیں، صدر پزشکیان بظاہر اختیارات لاریجانی کو سونپنے پر آمادہ دکھائی دیتے ہیں، اسٹیو وٹکوف نے عباس عراقچی سے رابطے کی کوشش کی تو لاریجانی سے اجازت مانگی گئی۔
