پاکستان میں قومی کھیل ہاکی کے فروغ اور تنظیمی ڈھانچے کو جدید خطوط پر استوار کرنے کے لیے اہم پیش رفت سامنے آئی ہے۔ پی ایچ ایف کے ایڈہاک صدر محی الدین وانی نے ہاکی کے انتظامی اور کھیل سے متعلق امور کو الگ کرنے کا فیصلہ کیا ہے۔
محی الدین وانی کے مطابق آئندہ دو روز میں دو اہم کمیٹیاں، گورننس مینجمنٹ کمیٹی اور پروفیشنل ڈویلپمنٹ کمیٹی تشکیل دی جائیں گی۔ ان کا کہنا ہے کہ نئی کمیٹیوں کے قیام سے ہاکی کو جدید تقاضوں سے ہم آہنگ کیا جائے گا ۔
ایڈہاک صدر کے مطابق گورننس مینجمنٹ کمیٹی پی ایچ ایف کے انتظامی معاملات کو مؤثر بنانے پر کام کرے گی۔ اس کمیٹی میں ہیومن ریسورس، مالیاتی امور، ریسورس موبلائزیشن، کمیونیکیشن اور رابطہ کاری کے ماہرین شامل ہوں گے۔
یہ کمیٹی اسکولوں اور کالجوں میں کھیلوں کے فروغ کے لیے بھی مربوط حکمت عملی تیار کرے گی۔
دوسری جانب پروفیشنل ڈویلپمنٹ کمیٹی میں سابق اولمپینز، اسپورٹس کوچز، ٹرینرز اور اسپورٹس میڈیسن کے ماہرین کو شامل کیا جائے۔
