وفاقی وزیر مواصلات اور صدر استحکام پاکستان پارٹی عبدالعلیم خان نے بنوں میں سیکیورٹی فورسز پر حملے کی مذمت کرتے ہوئے شہدا کو خراج عقیدت پیش کیا ہے۔انہوں نے کہا کہ سیکیورٹی فورسز نے اپنی جانوں پر کھیل کربنوں کو تباہی سے بچایا۔
وفاقی وزیر اور صدر استحکام پاکستان پارٹی عبدالعلیم خان نے بنوں میں سکیورٹی فورسز پر فتنہ الخوارج کے بزدلانہ حملے کی شدید مذمت کرتے ہوئے اسے افسوسناک قرار دیا ہے۔عبدالعلیم خان کا کہنا تھا کہ سکیورٹی فورسز نے جانوں پر کھیل کر بنوں شہر کو تباہی سے بچایا۔ انہوں نے لیفٹیننٹ کرنل شہزاد گل اور سپاہی کرامت شاہ کو جانوں کا نذرانہ پیش کرنے پر خراج تحسین پیش کرتے ہوئے کہا کہ قوم اپنے بہادر سپوتوں کو سلام پیش کرتی ہے۔
انہوں نے کہا کہ فتنہ الخوارج کے خلاف آپریشنز پوری قوت سے جاری رہیں گے اور مشکل کی اس گھڑی میں پوری قوم شہداء کے غمزدہ خاندانوں کے ساتھ کھڑی ہے۔ عبدالعلیم خان نے دعا کی کہ اللہ تعالیٰ شہید جوانوں کے لواحقین کو صبر جمیل عطا فرمائے۔
