آئی جی اسلام آباد کے حکم پر وفاقی دارالحکومت میں میاں بیوی پر تشدد میں ملوث تمام پولیس اہلکار معطل کردیئے گئے۔
اسلام آباد کے پوش علاقے ایف ایٹ میں شہری اور اس کی اہلیہ پر ڈولفن اسکواڈ اہلکاروں کا بہیمانہ تشدد کے ایک روز پہلے ویڈیو منظر عام پر آنے کے بعد بات طول پکڑ گئی۔ آئی جی اسلام آباد پولیس نے سخت نوٹس لے لیا۔
متاثرہ شہری کے مطابق ڈولفن اہلکار فیملی کے نابالغ لڑکے کا شناختی کارڈ پیش کرنے پر بضد رہے۔ نہ دینے پر تشدد شروع کردیا۔ تھانے لے جا کر بھی تشدد کیا ۔ ساتھ ہی صلح کیلئے دباؤ بھی ڈالا۔
ملوث اہلکاروں کا الٹا چور کوتوال کو ڈانٹے والا رویہ، سارا ملبہ شہری پر ڈال دیا، کہتے ہیں تھانے لاکر متاثرہ شخص کو معاف بھی کردیا تھا۔ افسوسناک واقعہ میں ملوث اہلکارں کو وفاقی پولیس چیف کے حکم پر معطل کرکے انکوائری شروع کردی گئی ہے۔
ابھی تک پولیس کی جانب سے متاثرہ فیملی یا عینی شاہدین سے کوئی رابطہ نہیں کیا گیا۔ تاہم معطل اہلکاروں نے انکوائری افسر کے سامنے اپنے بیانات قلمبندکرا دیئے۔
