ماہِ رمضان کے دوران پنجاب بھر کے تھیٹرز بند رکھنے کا فیصلہ کر لیا گیا ہے۔ اس حوالے سے پنجاب آرٹس کونسل کے ایگزیکٹو ڈائریکٹر کی جانب سے باقاعدہ نوٹیفکیشن جاری کر دیا گیا۔
نوٹیفکیشن کے مطابق صوبے بھر کے تمام تھیٹر مالکان، لائسنس ہولڈرز اور پروڈیوسرز اس فیصلے پر عملدرآمد کے پابند ہوں گے۔ رمضان المبارک کے دوران کسی بھی تھیٹر کو شو پیش کرنے کی اجازت نہیں ہوگی۔
حکام نے خبردار کیا ہے کہ فیصلے کی خلاف ورزی کرنے والوں کے خلاف ضلعی انتظامیہ انضباطی کارروائی عمل میں لائے گی۔






















