واٹس ایپ نے ایک نیا اور دلچسپ فیچر متعارف کرادیا۔
رپورٹ کے مطابق واٹس ایپ کی جانب سے ٹاپ ایپ بار میں اسٹیٹس اپ ڈیٹ کو لانے کے لیے کام کیا جا رہا ہے۔ ایپ کی ٹاپ بار وہ جگہ ہے جہاں پروفائل آئیکون نظر آتا ہے اور وہاں سے ہی آپ اسٹیٹس تک رسائی حاصل کرسکیں گے۔
اس فیچر کے ذریعے جن افراد سے آپ سب سے زیادہ چیٹ کرتے ہیں، ان کے اسٹیٹس چیٹ ٹیب میں سب سے اوپر نظر آئیں گے۔ تو آپ کو چیٹ ٹیب سے نکلے بغیر اسٹیٹس دیکھنے کا موقع ملے گا۔
رپورٹ میں بتایا گیا کہ کمپنی کی جانب سے اسٹیٹس اپ ڈیٹس تک فوری رسائی فراہم کرنے کے لیے مختلف طریقوں کو جانچا جا رہا ہے۔ ایپ ٹاپ بار کے ساتھ ساتھ چیٹ بار میں نیچے اسکرول کرنے پر بھی کانٹیکٹس اسٹیٹس اپ ڈیٹس ایک قطار میں نظر آئیں گے۔
یہ فیچر ابھی آزمائشی مراحل سے گزر رہا ہے اور یہ کہنا مشکل ہے کہ اسے کب تک تمام صارفین کے لیے متعارف کرایا جائے گا۔
