بنگلادیش کے نومنتخب وزیراعظم کی تقریب حلف برداری میں پاکستان کی نمائندگی وفاقی وزیر برائے ترقی و منصوبہ بندی احسن اقبال کرینگے۔
بنگلادیش کے نومنتخب وزیراعظم کی تقریب حلف برداری کی دعوت پر وزیر اعظم شہباز شریف دورہ آسٹریا پر ہونے کے باعث نہیں جا سکے ۔ تقریب حلف برداری میں شرکت کیلئے وفاقی وزیر ترقی و منصوبہ بندی احسن اقبال ڈھاکا میں موجود ہوں گے۔
وفاقی وزیراحسن اقبال بنگلا دیش کے اعلیٰ حکام سے ملاقاتیں بھی کریں گے، ڈھاکہ روانگی سے قبل احسن اقبال نے کہا پاک بنگلا دیش دوستانہ تعلقات مزید مستحکم کرنے سے ترقی کی نئی راہیں ہموار ہوں گے، پاکستان دونوں ممالک کے درمیان تعاون کے فروغ کے لیے پرُامید ہے، دونوں ملکوں میں سیاسی و اقتصادی میدان میں پیش رفت کے قومی امکانات بھی موجود ہیں۔
