سپریم کورٹ نے سائفر کیس سماعت کے لیے مقرر کر دیا۔ کیس کی سماعت 18 فروری کو ہوگی۔
جسٹس ہاشم کاکڑ کی سربراہی میں تین رکنی بینچ سماعت کرے گا، بینچ میں جسٹس صلاح الدین پنہور اور جسٹس اشتیاق ابراہیم بھی شامل ہوں گے۔
یاد رہے کہ حکومت کی جانب سے بانی پی ٹی آئی اور شاہ محمود قریشی کی بریت کے خلاف اپیلیں دائر کی گئی ہیں، جن پر سپریم کورٹ آئندہ ہفتے سماعت کرے گی۔
بانی پی ٹی آئی اور بشریٰ بی بی کے دیگر مقدمات بھی تین رکنی بینچ میں مقرر کر دیئے گئے ہیں، توشہ خانہ کیس کا فیصلہ معطل کرنے کی اپیل بھی مقرر کر دی گئی ہے ۔
بانی پی ٹی آئی نےفیصلہ معطل کرنے کی استدعا کر رکھی ہے، شہباز شریف کیخلاف ہتک عزت کیس بھی سماعت کیلئے مقرر ہے۔
سپریم کورٹ 18فروری کو تین رکنی بینچ سماعت کرے گی۔ 9مئی مقدمات میں بانی پی ٹی آئی کی ضمانت کیخلاف پنجاب حکومت کی اپیل بھی مقرر کی گئی ہے ۔
