چیئرمین پی ٹی آئی بیرسٹر گوہر نے کہاہے کہ دہشت گرد جہاں بھی ہو وہ ہمارا دشمن ہے، چند ماہ میں ہم نے سو جنازے اٹھائے ہیں۔ خواجہ آصف نے برادران یوسف کا کردار ادا کیا، یہ بھی کہا گیا کہ دہشت گردی کے پیچھے پی ٹی آئی ہے، آپ ہمیں غدار کہتے ہیں۔
قومی اسمبلی میں اظہار خیال کرتےہوئے بیرسٹر گوہر نے کہا کہ فوج کو سیاست میں نہ گھسیٹیں، چند ماہ میں سو جنازے اٹھائے، دہشت گرد جہاں بھی ہو وہ ہمارا دشمن ہے۔ ایوان سے بھارت کو بھی پیغام دینا چاہتے ہیں۔ چیئرمین پی ٹی آئی نے کہا کہ خواجہ آصف نے برادران یوسف کا کردار ادا کیا۔ فوج کے خلاف اگر کسی نے انٹرویو دیا تو وہ آپ ہیں۔ عدلیہ کے خلاف اور سیاچن پر بھی آپ نے بیانات دیئے۔ عالمی عدالت میں بھی وزیر دفاع کے قائد کا بیان ہی چلایا گیا۔ بیرسٹر گوہر نے کہا کہ وزیر دفاع نے تقسیم ڈالنے کی کوشش کی اور پچاسی قوانین بدلے،نئی عدالت بھی بنائی۔ عوام کے دلوں میں آپ کی رتی بھر بھی عزت نہیں ہے۔
