وزیراعلیٰ خیبرپختونخوا سہیل آفریدی کا کہنا ہے کہ ذاتی مفاد یا سیاست کیلئے کسی در پر نہیں جاؤں گا۔ صوبے کے حق کیلئے ہر شخص سے بات کرنے کو تیار ہوں۔
خیبر پختونخوا کی مجموعی سیکیورٹی صورتحال کا جائزہ لینے کے لیے اعلیٰ سطحی اجلاس سے متعلق سہیل آفریدی نے کہا کہ صوبے میں امن و امان کے حوالے سے وزیر اعظم سے تفصیلی ملاقات اور ایپکس کمیٹی کا اجلاس ہو چکا، نا پسندیدہ لوگوں کے ساتھ بھی بیٹھوں گا ۔ صوبے کے حقوق پر کوئی سمجھوتہ نہیں ہوگا۔
سہیل آفریدی نے کہا کہ اپنی ذات یا سیاست کے لیے کبھی کسی کے در پر نہیں جائیں گے لیکن جب بات صوبے اور عوام کے حقوق کی آئے گی تو ذاتی پسند و ناپسند سے بالاتر ہو کر ہر شخص کے ساتھ بیٹھیں گے۔ بات ہمیشہ برابری کی بنیاد پر کی جائے گی۔
