چیف جسٹس آف پاکستان یحییٰ آفریدی سے اقوام متحدہ کے وفد نے ملاقات کی ہے۔ پاکستان میں عدالتی نظام کی مضبوطی کیلئے تعاون پر اتفاق کیا گیا۔
اعلامیے کے مطابق چیف جسٹس پاکستان اور اقوام متحدہ کے وفد نے عدالتی اصلاحات پر گفتگو کی ۔ چیف جسٹس نے انصاف تک رسائی بہتر بنانے کے عزم کا اظہار کیا۔ عدالتی اداروں کی استعداد بڑھانے میں اقوام متحدہ کےکردارکو بھی سراہا۔
ملاقات میں نظام انصاف کو عوام دوست اور موثر بنانے پر اتفاق کیا گیا۔ گورننس اور قانون کی حکمرانی پر اصلاحاتی اقدامات تیز کرنے کے ساتھ عدلیہ اور اقوام متحدہ کے درمیان مستقبل میں تعاون بڑھانے کا فیصلہ بھی کیا گیا۔
