وزیرِ دفاع خواجہ آصف ورلڈ ڈیفنس شو میں شرکت کے لیے ریاض پہنچ گئے۔ سعودی ہم منصب شہزادہ خالد بن سلمان بن عبدالعزیز سے ملاقات کی۔ خواجہ آصف نے ایونٹ کو خطے میں دفاعی تعاون کے فروغ کے لیے اہم سنگِ میل قرار دیا۔
خواجہ آصف سعودی حکومت کی باضابطہ دعوت پر ورلڈ ڈیفنس شو میں شرکت کے لیے ریاض پہنچے۔ سعودی حکام پاکستانی سفیر احمد فاروق نے استقبال کیا۔
ورلڈ ڈیفنس شو کے موقع پر وزیرِ دفاع خواجہ محمد آصف نے سعودی عرب وزیرِ دفاع شہزادہ خالد بن سلمان بن عبدالعزیز سے ملاقات بھی کی۔ ورلڈ ڈیفنس شو کے کامیاب انعقاد پر سعودی قیادت اور میزبان وزیرِ دفاع کو مبارکباد پیش کی۔ خواجہ آصف نے کہ کہ یہ شو خطے میں دفاعی تعاون کے فروغ میں اہم سنگِ میل ثابت ہوگا۔
خواجہ آصف نے کہا کہ نمائش میں پاکستان کا دفاعی ساز و سامان سب سے نمایاں ہے، کوئی اور اس کا مقابلہ نہیں کر سکتا۔ یہ پاکستان کی مضبوط دفاعی طاقت کا ثبوت ہے۔ معرکہ حق میں بھارت کے خلاف تاریخی فتح کے بعد اس میں مزید اضافہ ہوا۔ وزیردفاع نے کہا کہ پاکستان کی اہم برآمدات میں بڑا حصہ دفاعی ساز و سامان کا ہوگا۔
