عازمین حج کے لیے بائیومیٹرک کرانے کا آج آخری روز ہے۔
ترجمان وزارت مذہبی امورکاکہنا ہےکہ بائیومیٹرک نہ کرانے والے عازمین اس برس حج نہیں کرسکیں گے، موبائل ایپ سعودی ویزا بائیوکےذریعےگھربیٹھےبائیومیٹرک کرائی جاسکتی ہے،عازمین حج کی سہولت کےلیے تاشیرسینٹرز بھی آج شام 5 بجے تک کھلے رہیں گے۔
وزارت مذہبی امور کےمطابق رش سےبچنے کے لیےسعودی ویزا بائیو ایپ سے ہی فنگر پرنٹس مکمل کریں، بائیو میٹرک کرائے بغیرپاسپورٹ پر حج ویزا نہیں لگےگا،80 برس سے زائد عمر کے عازمین حج بائیومیٹرک سے مستثنیٰ قرار دیا گیا ہے،سعودی وزارت حج نے ضعیف حجاج کو استثنیٰ دیا۔
ذرائع وزارت مذہبی امورکا کہنا ہےکہ 80 برس سے زائد عمر کے عازمین کاچہرہ اورفنگر پرنٹ اسکین نہیں ہوں گے،پاسپورٹ اسکین ہونےکی تصدیقی ای میل ان باکس میں موصول ہوگی،پراسیس مکمل کرنے کے بعد رسید حاصل کریں۔
