پاکستان نے آسٹریلیا کے خلاف ٹی ٹوئنٹی کرکٹ سیریز میں کلین سویپ کرکے شاندار تاریخ رقم کر دی۔ بڑی کامیابی پر وزیراعظم شہباز شریف کی قومی ٹیم، منیجمنٹ اور پوری قوم کو مبارکباد دی ، کھلاڑیوں کی غیر معمولی کارکردگی کو سراہا۔ کہا قومی ٹیم نے سیریز کے تمام میچز میں شاندار کھیل کا مظاہرہ کرتے ہوئے مخالف ٹیم کو کوئی موقع نہیں دیا۔
وزیراعظم شہباز شریف نے کہا کہ گرین شرٹس نے بیٹنگ، باؤلنگ اور فیلڈنگ تینوں شعبوں میں غیر معمولی مہارت، جذبے اور نظم و ضبط کا مظاہرہ کیا۔ تمام کھلاڑیوں کی مسلسل محنت، ٹیم ورک اور پیشہ ورانہ رویے کی بدولت یہ تاریخی کامیابی ممکن ہوئی۔
وزیراعظم نے چیئرمین پی سی بی محسن نقوی، ٹیم منیجمنٹ اور تمام کھلاڑیوں کو شاندار کارکردگی پر خراج تحسین پیش کیا۔ شہباز شریف نے امید ظاہر کی کہ قومی ٹیم جیت کے اس شاندار سلسلے کو آئندہ بھی برقرار رکھے گی اور ملک کا نام روشن کرتی رہے گی۔
