ملک کے بیشتر علاقوں میںآئندہ چوبیس گھنٹوں کے دوران گرج چمک کے ساتھ بارش اور بعض علاقوں میں موسم سرد اور مطلع جزوی ابر آلود رہنے کی پیشگوئی کی گئی ہے۔
محکمہ موسمیات کے مطابق ملک کے بیشتر علاقوں میںآئندہ چوبیس گھنٹوں کے دوران موسم سرد اور مطلع جزوی ابر آلود رہنے کا امکان ہے تاہم مغربی اورجنوب مغربی بلوچستان اور جنوب مشرقی سندھ میں تیز ہواؤں اور گرج چمک کے ساتھ بارش کی توقع ہے۔
محکمہ موسمیات کے مطابق اس دوران پنجاب کے بعض میدانی علاقوں میں صبح کے اوقات میں سموگ اور دھند چھائے رہنے کا بھی امکان ہے۔
گزشتہ 24 گھنٹوں کے دوران ملک کے بیشتر علاقوں میں موسم خشک اور بالائی علاقوں میں سرد جبکہ بلوچستان میں چند مقامات پر تیز ہواوں اور گرج چمک کے ساتھ بارش ریکارڈ کی گئی ۔
